დღის სიახლეები

შპს „სან პეტროლიუმ ჯორჯიას“ განცხადება

0
გაზიარება

 

”სან პეტროლიუმ ჯორჯია“ ეხმაურება, ბოლო დროს, მედიაში, გარკვეული პოლიტიკური თუ არასამთავრობო ორგანიზაციების მიერ, კომპანიის ბიზნეს საქმიანობის შესახებ გავრცელებულ უსაფუძვლო და გადაუმოწმებელ განცხადებებს.

კომპანიის დაარსების პირველივე დღიდან, ბრენდის მაღალი რეპუტაციული სტანდარტისა და პასუხისმგებლობის გათვალისწინებით,  ყველა მოქმედება თუ ბიზნესოპერაცია სრულ თანხვედრაშია სფეროს ადგილობრივ და საერთაშორისო რეგულაციებთან.  ხაზგასმით აღვნიშნავთ, რომ სხვადასხვა სანქციების ამოქმედებიდან, დღემდე,  ჩვენი საქმიანობის ყოველი ეტაპი არის გამჭვირვალე და სრულ შესაბამისობაშია ევროპულ, ბრიტანულ და აშშ სანქციურ პაკეტებთან. აღნიშნული, რეგულარულად, დასტურდება უმსხვილესი საერთაშორისო – ევროპული და აშშ იურიდიული კომპანიების მომზადებული დასკვნებით.

განვმარტავთ, რომ  ყოველ ზემოხსენებულ პაკეტში, მკაფიოდ არის გაწერილი მიმწოდებელ კომპანიებთან სავაჭრო და ეკონომიკური დასაშვები ურთიერთობები. აღნიშნული ფორმულირებები წარმოადგენს სახელმძღვანელოს არამხოლოდ ჩვენი კომპანიისათვის, არამედ ევროკავშირის წევრი იმ ქვეყნებისთვისაც, რომლებიც აქტიურად და რათქმაუნდა, ლეგალურად, დღესაც თანამშრომლობენ ნავთობპროდუქტების იმპორტის კუთხით რუსულ კომპანიებთან – მათ შორის „როსნეფტთან“. ხაზგასასმელია, რომ დღეის მდგომარეობითაც, ევროკავშირის წევრ ქვეყნებში ნავთობპროდუქტების იმპორტი ხორციელდება „როსნეფტის“ იგივე ქარხნებიდან – საიდანაც ანალოგიური  პროცესი ხორციელდება საქართველოში. 

საზოგადოება, სხვადასხვა საჯარო წყაროებით, კარგად არის ინფორმირებული, რომ სანქციების პირობების სრული დაცვით, ევროკავშირის წევრი ქვეყნები აგრძელებენ  ბიზნეს ოპერაციებს რუსეთიდან სხვადასხვა ენერგორესურსების იმპორტის კუთხით. გარიგებების თანხა კი – ათობით მილიარდ ევროს შეადგენს.  

ზემოთქმულიდან გამომდინარე, დაბეჯითებით მოვუწოდებთ დაინტერესებულ მხარეებს – ნუ გაავრცელებენ ცილისმწამებლურ, არაზუსტ, არაკომპეტენტურ და გადაუმოწმებელ ინფორმაციებს. ისევე როგორც ევროპული ოჯახის სხვა ქვეყნები და კომპანიები, “სან პეტროლიუმ ჯორჯია” მუდმივად ეძებს ნავთობპროდუქტების ალტერნატიულ მომწოდებლებს ერთადერთი მიზნის მისაღწევად –  შესთავაზოს მომხმარებლებსა და ქართულ სანავთობო ბაზარს მაქსიმალურად მისაღები ფასი და ხარისხი.  

საზოგადოებას შევახსენებთ, რომ ”სან პეტროლიუმ ჯორჯია“ არის ქვეყნის ერთერთი უდიდესი კომპანია, რომელიც ასაქმებს საქართველოს 1500-ზე მეტ მოქალაქეს,  ხოლო სახელმწიფო ბიუჯეტში ყოველწლიურად შეაქვს 200 მილიონ ლარზე მეტი.

 

მსგავსი სიახლეები

საქართველოს ნაკრების შემადგენლობა ევრო 2024-ის მოსამზადებელ ეტაპზე

 საქართველოს ეროვნული ნაკრების მთავარმა მწვრთნელმა, ვილი სანიოლმა, დაასახელა საქართველოს ნაკრების შემადგენლობა ევრო 2024-ის მოსამზადებელ ეტაპზე: მეკარეები: გიორგი მამარდაშვილი, გიორგი ლორია, ლუკა გუგეშაშვილი მცველები:…

ზაფხულის სეზონზე საქართველოსა და ევროპის ქვეყნებს შორის 2 500-მდე ავიარეისი შესრულდება

საქართველოს სამოქალაქო ავიაციის სააგენტოს მიერ დამტკიცებული განრიგების შესაბამისად, 2024 წლის ზაფხულის აქტიურ სანავიგაციო სეზონზე 13 600 ავიარეისის შესრულებაა დაგეგმილია. აქედან საქართველოდან ევროპაში და პირიქით…

აპრილში ჩინური მანქანების იმპორტი 380%-ით გაიზარდა

სტატისტიკის ეროვნული სამსახურის მონაცემებით, 2024 წელს აპრილში ჩინეთიდან 283 ერთეული (3,197 მლნ აშშ დოლარი), ავტომობილი შემოვიდა, 2023 წლის იგივე თვეში მხოლოდ 59 (1,639 მლნ აშშ დოლარი). 2024 წლის იანვარ-აპრილში წინა წლის…

FDA-მ ილონ მასკის სტარტაპს Neuralink-ს მეორე პაციენტისთვის ტვინის ექსპერიმენტული ჩიპის ჩანერგვაზე ოფიციალური ნებართვა მისცა

Wall Street Journal-ის ცნობით, კომპანია იმპლანტის ძაფებს წინასთან შედარებით უფრო ღრმად ჩააყენებს ტვინში. უფრო კონკრეტულად კი, იმპლანტის ძაფები თავის ქერქში 8 მილიმეტრის სიღრმეზე განთავსდება,  პირველი პაციენტის შემთხვევაში ეს…

2023 წლის საანგარიშო პერიოდში სამუშაო ადგილზე გარდაიცვალა 34 და დაშავდა 347 დასაქმებული

შრომის ინსპექციის სამსახურის მიერ გამოქვეყნებულ 2023 წლის საქმიანობის ანგარიშის მიხედვით, სამუშაო სივრცეში მომხდარი უბედური შემთხვევის შედეგად გარდაცვლილი 34 პირიდან ყველა კაცია, ხოლო დაშავებულთაგან 100 ქალი და 247 კაცი.…

მეტის ჩატვირთვა იტვირთება...პოსტები აღარ მოიძებნა
error: Content is protected !!