შვიდი ყველაზე ძვირადღირებული სახლი, რომელიც ცნობილ ადამიანებს ეკუთვნით

ის სასახლეები, რომლებიც განლაგებულია ჰოლივუდის გორაკებში და ათასობით ჰექტარ მიწას იკავებს, მსოფლიოს ყველაზე ცნობილ ადამიანებს ეკუთვნით.

ზოგიერთი მათგანი უბრალოდ იმიტომ ყიდულობს სახლებს, რომ პაპარაცებს თავი დააღწიონ და სიმშვიდეში იცხოვრონ, ზოგი კი მუდმივ საცხოვრებლად იყენებს.

ეს იმ სახლების ჩამონათვალია, რომლებშიც ვარსკვლავებმა მილიონობით დოლარი დახარჯეს:

• ბილ გეითსი

მაიკროსოფტის დამფუძნებელმა ბილ გეითსმა ამ სახლის აშენებაში შვიდი წელი და 63 მილიონი დოლარი დახარჯა, რომელსაც „ქსანადუ 2.0“ დაარქვა.

შენობას, რომელიც ვაშინგტონში მდებარეობს, შვიდი საძინებელი და 18 სააბაზანო აქვს. მილიარდელის სახლში ასევე სხვადასხვა ტექნოლოგიებს აღმოაჩენთ.

• ჯორჯ კლუნი

მსახიობმა „ვილა ოლეანდრა“ 2002 წელს 12.3 მილიონ დოლარად შეიძინა, რომელიც იტალიაში, კომოს ტბასთან მდებარეობს.

საკუთრება მე-18 საუკუნეში არის აშენებული, რომელშიც განთავსებულია სპორტ დარბაზი, საცურაო აუზი, ტენისის კორტები და გარე თეატრი. კლუნს პიცის განსაკუთრებული სიყვარულის გამო, ცალკე ოთახიც აქვს, რომელშიც პიცის დამზადება არის შესაძლებელი.

„იტალიაში ცხოვრება მშვენიერია. აქაურობა დამეხმარა მეგრძნო თავი მშვიდად“ – განაცხადა მსახიობმა.

• ჯორჯ ლუკასი

„ვარსკვლავური ომების“ შემქმნელის, ჯორჯ ლუკას სქაივოქერის სახლი მდებარეობს კალიფორნიაში, რომელშიც მან 100 მილიონი დოლარი დახარჯა.

მისი განსაკუთრებულობა იმაში მდგომარეობს, რომ სახლში განთავსებულია სქაივოქერის ხმის სტუდია, ჯორჯ ლუკასის ოფისები და ბიბლიოთეკები, სადაც უამრავი წიგნია ფილმებზე.

ფილმების გარდა, რეჟისორს აქვს საკუთარი ვენახი, ფიტნეს ცენტრი, გარე საცურაო აუზი და ყველასათვის საყვარელი „იოდას“ ქანდაკება.

• ანჯელინა ჯოლი და ბრედ პიტი

ერთ-ერთი სახლი, სიმდიდრე რომელსაც ვარსკვლავურ წყვილს დღემდე ვერ გაუყვია, საფრანგეთში მდებარე “Chateau Miraval” არის. სასამართლოს თანახმად, ჯოლიმ საკუთარი წილი 2021 წლის ოქტომბერში გაყიდა, რაზეც ბრედ პიტი დღემდე ედავება და აცხადებს, რომ შეთანხმების გარეშე, გაყიდვა ვერ მოხდებოდა.

486 ჰექტარზე გაშენებული ვილა აშენდა მეჩვიდმეტე საუკუნეში და მასში მდებარეობს 35 ოთახი, სპა, სპორტ დარბაზი, გარე და შიდა საცურაო აუზი, სახლის კინოთეატრი, ვიდეო თამაშებისთვის განკუთვნილი ოთახი და ვენახი.

• თაიგერ ვუდსი

ამერიკელმა გოლფის მოთამაშემ, თაიგერ ვუდსმა 54.5 მილიონ დოლარად რეზიდენცია ფლორიდაში შეიძინა, რომელსაც განსაკუთრებული მახასიათებლები ახლავს.

ტერიტორიაზე არის გოლფის სათამაშო და საკალათბურთო მოედანი, ასევე ტენისის კორტები და 30 მეტრიანი აუზი.

• ტომ კრუზი

რანჩო რომელიც მსახიობმა 39 მილიონ დოლარად კოლორადოში შეიძინა, 2021 წელს გაყიდა, თუმცა, აღსანიშნია, რომ ის მას განსაკუთრებით უყვარდა, რადგან 2005 წელს ოპრა უინფრის ინტერვიუ ზუსტად აქ არის ჩაწერილი და არდადეგებს ოჯახთან ერთად ყოველთვის აქ ატარებდა.

• ბრიტნი სპირსი

14 მილიონიანი იტალიური სტილის ვილა მომღერალმა 14 მილიონ დოლარად შეიძინა და ქმართან, სემ ასგარისთან ერთად ცხოვრობს.

ვილაში განთავსებულია ხუთი დიდი საწოლი ოთახი, შვიდ ნახევარი სააბაზანო და ექვსი ავტოფარეხი.