რეგიონებიRSS კატეგორიაიმერეთი

Soplidan.ge-ს სერვისი სექტემბრიდან ქუთაისში იქნება ხელმისაწვდომი

0
გაზიარება

თითქმის 7 წელია აგრო-სასურსათო პროდუქტის ონლაინ გაყიდვების ვებგვერდი Soplidan.ge თბილისში მაცხოვრებლებს ნატურალური სოფლის პროდუქტით ამარაგებს, მიმდინარე წლის სექტემბრიდან კი, იგი ქუთაისის მასშტაბითაც იქნება ხელმისაწვდომი.

Soplidan.ge-ს დამფუძნებელმა ნათია ნინიკელაშვილმა Bm.ge-სთან განმარტა, რომ მათ 400-მდე ფერმერი სხვადასხვა სახის ნატურალურ პროდუქტებს აწვდის, რაც მოქალაქეებამდე Soplidan.ge-ს მიაქვს.

„GITA-ს 100 000-ლარიანი გრანტი მოვიგეთ. ეს არის საპილოტე რეგიონებში ბიზნესის განვითარების პროექტი, რომელიც რეგიონში დამატებითი დოვლათის შექმნას გულისხმობს. Soplidan.ge -ს კონცეფცია არის ხიდი სოფელსა და ქალაქს შორის, რომელიც ერთი მხრივ ფერმერს საშუალებას აძლევს თავისი პროდუქტი მარტივად გაყიდოს და მეორე მხრივ, მომხმარებელმა ეს ნატურალური პროდუქტი შეიძინოს. საქართველოს ყველა რეგიონიდან დაახლოებით 400-მდე ფერმერია ჩვენი მომწოდებელი. ჩამოგვაქვს ის პროდუქტი, რაც ყველაზე კარგია, მაგალითად იმერეთიდან ყველი, კახეთიდან ზეთი. მოკლედ 400-ზე მეტი დასახელების პროდუქტია ჩვენს პლატფორმაზე წარმოდგენილი და 10 000 მომხმარებელი გვყავს.

სექტემბრიდან თბილისის მოსახლეობას ქუთაისის მოსახლეობაც დაემატება. პროექტი უკვე ჩაშვებულია და ქუთაისში გაყიდვები სექტემბრიდან დაიწყება. ქუთაისშიც გვექნება საწყობი, სადაც პროდუქტი მოგროვდება და იქიდან ქუთაისის მოსახლეობაზე განაწილდება”, – განაცხადა მან.

რაც შეეხება საზღვარგარეთ მომსახურებას, ნათია ნინიკელაშვილმა თქვა, რომ პროდუქტი 11 ქვეყანაშია ხელმისაწვდომი და აღნიშნული ქვეყნების რიგს წელს აშშ-იც შეემატა.

“საქართველოდან ფოსტასთან ვთანამშრომლობთ და სახმელეთო გადაზიდვების პროექტით შესაძლებელია, რომ ევროპის 10 ქვეყანაში მოხვდეს ჩვენი პროდუქტი, მათ შორისაა: იტალია, საბერძნეთი, საფრანგეთი.  წელს დავამატეთ ამერიკაც. იქიდან გვწერენ და ჩვენ ვუგზავნით”, – განაცხადა Soplidan.ge-ს დამფუძნებელმა, ნათია ნინიკელაშვილმა.

წყარო : ბიზნეს მედია

მსგავსი სიახლეები

პოლონეთის სეიმმა შრომის კოდექსში დისტანციური მუშაობის შეტანას დაუჭირა მხარი

„პოლოეთის სეიმმა შრომის კოდექსში დისტანციური მუშაობის შეტანას დაუჭირა მხარინური რადიოს“მიერ გავრცელებული ინფორმაციით სეიმმა ხმათა აბსოლუტური უმრავლესობით შესაბამისი დადგენილება მიიღო, რასაც 430 დეპუტატი მიემხრო, 12 კი…

რუსთავში ახალი სავაჭრო ცენტრი და მასთან მდებარე საცხოვრებელი კომპლექსი აშენდება

ბაზისბანკის მიერ განხორციელებული ინვესტიციით, დეველოპერული კომპანია ნიუ მოლი, რუსთავში ახალ სავაჭრო ცენტრსა და მასთან მდებარე საცხოვრებელ კომპლექსს აშენებს. მშენებლობა 9,100 კვ. მ. მიწის ფართობზე, 3 სართულზე განლაგებულ…

Apple კომპანია iPhone 14 Pro-ს წარმოება მიმდინარე წელს შესაძლოა, 6 მილიონით ჩამორჩეს დაგეგმილ დონეს

კომპანია iPhone 14 Pro-ს წარმოება მიმდინარე წელს შესაძლოა, 6 მილიონით ჩამორჩეს დაგეგმილ დონეს, რომლის მიზეზიც ტაივანის ქალაქ ჩჟენჩჟოუში კომპანია Foxconn Technology Group-ის საწარმოში არსებული უწესრიგობაა - Bloomberg…

კერძო სკოლა „თამარიონი“- ბავშვებზე მორგებული სრული განათლება

კერძო სკოლა „თამარიონი“, რომელიც გორში 1995 წლიდან ფუნქციონირებს,დღეს საკმაოდ წარმატებული,მოთხოვნადი სკოლაა და კონკურენტუნარიან გარემოში ღირსეული ადგილს იკავებს. სკოლა „თამარიონი“ 25 წლის ისტორიის მანძილზე, ერთ-ერთი…

რაიმონდ პალასი – დასვენება ზღაპარში

სამშენებელო კომპანია რაიმონდ რეზიდენსი - ახალი კონცეფცია დაბა ბაკურიანში. ზღვის დონიდან 1700 მეტრზე კურორტი “ბაკურიანი”, მსოფლიოს შვიდ კურორტს შორის ერთ-ერთი მოთხოვნადი და ტურისტებისათვის საყვარელი ადგილია. სათხილამურო…

მეტის ჩატვირთვა იტვირთება...პოსტები აღარ მოიძებნა
error: Content is protected !!