Tourist card – წარმატებული ქართული ბიზნესის ასოციასციის ახალი პროდუქტია, რომელიც სანდო 
კომპანიებითა და შეთავაზებებით, საქართველოში ჩამოსული ვიზიტორებისთვის შეიქმნა. ბარათში ჩაშენებულია სპეციალური პროგრამა, რომლითაც შესაძლებელია სასურველ ენაზე განახლებული ინფორმაცის მიღება, რომელიც ტურისტებისთვის ქვეყანაში ყოფნისას ძალიან მნიშვნელოვანია, მათ შორისა : სუვენირებისა და ტანსაცმლის მაღაზიები, სასტუმროების, მარნების, რესტორნების, კაფე-ბარების, აუზების, ფიტნეს კლუბების, აქსესუარების, სილამაზისა და ჯანმრთელობის ცენტრების და ა.შ შეთავაზებები და ფასდაკლებები.
აღნიშნულ ბარათთან დაკავშირებით წარმატებული ქართული ბიზნესის ასოციაციამ სხვადასხვა ბიზნესის წარმომადგენლებთან საინფორმაციო სახის შეხვედრა გამართა, სადაც დეტალურად გააცნეს Tourist card – ის შესახებ ინფორმაცია და მისი უპირატესობები.
„ Touristr card – შეიქმნა იმისთვის, რომ გაგვემარტივებინა კომუნიკაცია საქართველოში შემოსულ უცხოელებსა და ქართულ ბიზნესებს შორის. ბარათში ვირტუალურად ჩავაშენეთ ყველა ის სერვისები, რომლითაც გვინდა ჩვენი ქვეყანა წარსდგეს მათ წინაშე. ვფიქრობთ, რომ ტურისტებისთვის ეს იქნება მნიშვნელოვანი სიახლე, რადგან მათ აღარ მოუწევთ სათითაოდ ინფორმაციის მოძიება, იმის შესახებ თუ საქართველოში რა სერვისებით შეუძლიათ ისარგებლონ“ – მაია ტატულაშვილი, წარმატებული ქართული ბიზნესის ასოციაციის დამფუძნებელი.
ტურისტებისთვის ყველაზე მნიშვნელოვანი სერვისები წარმატებული ქართული ბიზნესის ასოცაიციამ შეკრიბა
და ერთ სივრცეში გააერთიანა. „Tourist card“ ორგანიზაციის უნიკალური პროდუქტია, რომელიც მთელი ქვეყნის მასშტაბით ასობით კომპანიას მოიცავს. ბარათში ვირტუალურად ჩაშენებული სპეციალური პროგრამა, ვიზიტორებს შესაძლებლობას აძლევს სასურველ ენაზე ყველა ის ინფორმაცია მიიღონ, რომელიც მათ საქართველოში ყოფნის პერიოდში გამოადგება.
ბარათის შეძენა ნებისმიერ ტურისტს ქვეყნის სხვადასხვა ქალაქში, ტურისტულ ლოკაციებზე შეუძლიათ. ბარათის უნიკალურობას კომპანიების სანდოობა და შეთავაზებების მრავალფეროვნება განაპირობებს.
