RSS კატეგორია

„ვიქტორია სექიურითი“ საქართველოს ბიზნეს ასოციაციის წევრი გახდა

0
გაზიარება

„ვიქტორია სექიურითის“ საქართველოს ბიზნეს ასოციაციაში გაერთიანებით, ასოციაციის წევრთა რიგებს შემოუერთდა კომპანია, რომელსაც დაცვა-უსაფრთხოების მომსახურეობის გაწევის თითქმის 20 წლიანი გამოცდილება აქვს.

ბიზნეს ასოციაციის ცნობით, კომპანიას მინიჭებული აქვს საერთაშორისო სტანდარტების ხარისხი, პირველი და ერთადერთი ბიზნეს ოპერატორია საქართველოში, რომელიც ფლობს ISO 9001:2015 უსაფრთხოების კომპლექსურ სერთიფიკატს.

ამასთან, შ.პ.ს. „ვიქტორია სექიურითი“ საქართველოს მთელ ტერიტორიაზე ახორციელებს, თანამედროვე დაცვითი ელექტრონული სიგნალიზაციის, ვიდეო-სამეთვალყურეო, დაშვების კონტროლისა და ხანძარმაქრი სისტემების საპროექტო-სამონტაჟო სამუშაოებს, მაღალკვალიფიციური ტექნიკური ჯგუფების მეშვეობით.

„კერძოდ, კომპანიის ოპერატიული სამსახურის შემადგენლობაში შემავალი, სწრაფი რეაგირების ჯგუფები 24/7 რეჟიმში უზრუნველყოფენ დაცულ ობიექტებზე საზოგადოებრივ წესრიგს და მათ სამოქმედო ლოკაციებზე განლაგებული, ელექტრო სიგნალიზაციით დაცული ობიექტის მონიტორინგს.

საგულისხმოა, რომ დასაქმებულთა პროფესიონალიზმის მაღალი დონე კომპანიის ერთ-ერთი მთავარი პრიორიტეტია, ამიტომ კვალიფიკაციის ამაღლების მიზნით სისტემატურად ტარდება სხვადასხვა სახის ტრენინგები“, – აცხადებენ ასოციაციაში.

შ.პ.ს „ვიქტორია სექიურითი“ აქტიურად პარტნიორობს და თანამშრომლობს უსაფრთხოების თანამედროვე სისტემების მწარმოებელ უცხოურ კომპანიებთან.

„მივესალმებით „ვიქტორია სექიურითის“ საქართველოს ბიზნეს ასოციაციის წევრთა რიგებში. მოხარულნი ვართ, რომ ასეთი მაღალი სტანდარტების მქონე კომპანიები ხდებიან ასოციაციის წევრები. აღსანიშნავია, რომ წარმატების მიღწევა კომპანიამ შეძლო საიმედოობის მაღალი სტანდარტით და შესაბამისად, წლების განმავლობაში მოპოვებული ნდობით, რისი საუკეთესო ინდიკატორია ის, რომ კომპანია ერთ-ერთი მსხვილი დამსაქმებელია საქართველოში. მასში დასაქმებულია 1900-ზე მეტი, მაღალპროფესიული დონის და გამოცდილების მქონე თანამშრომელი. ასევე უნდა აღინიშნოს, რომ „ვიქტორია სექიურითი“ ყველა პარამეტრით წარმოადგენს დარგის ლიდერს საქართველოში, რომელიც მოტივირებულია მომხმარებელს შესთავაზოს მაღალკვალიფიციური მომსახურება, რაც მეტად მნიშვნელოვანია, როგორც ჩვენი ქვეყნის მოქალაქეებისთვის, ასევე ზოგადად ბიზნეს სექტორის გაძლიერებისთვის“ – განაცხადა საქართველოს ბიზნეს ასოციაციის პრეზიდენტმა, სოსო ფხაკაძემ.

მსგავსი სიახლეები

jobs.ge-ზე ვაკანსიები იზრდება

2022 წლის მარტიდან აგვისტოს ჩათვლით, 39 984 ვაკანსია გამოქვეყნდა jobs.ge-ზე, რაც 2021 წლის შესაბამის პერიოდთან შედარებით, 37%- ით, ხოლო 2020 წლის შესაბამის პერიოდთან შედარებით, 197%- ით გაზრდილი მაჩვენებელია. ამის შესახებ…

adidas-მა მზის ენერგიაზე მომუშავე ყურსასმენები წარადგინა

გერმანულმა კომპანია adidas-მა უკაბელო ყურსასმენები, RPT-02 Sol წარადგინა,რომლის  მთავარი მახასიათებელი მზის პანელია, რომელიც მოწყობილობის ბატარეის ხანგრძლივობას ზრდის. მზის ენერგიაზე მომუშავე ყურსასმენი Zound Industries-თან…

Meta Instagram-სა და Facebook-ზე ახალ ფუნქციებს ამატებს

"Meta ახალ ფუნქციებზე მუშაობას იწყებს, რადგან მომხმარებლებს მისი პროდუქტების — Facebook-ისა და Instagram-ის — ანგარიშებს შორის გადასვლა გაუმარტივდეთ. ახლა მომხმარებლებს მარტივად შეეძლებათ მეტას გაერთიანებული პროფილის…

EBRD-მა საქართველოს ეკონომიკური ზრდის პროგნოზი განაახლა

EBRD-მა საქართველოს ეკონომიკური ზრდის პროგნოზი განაახლა. წინა პროგნოზით, 2022 წელს ზრდა 3%-ს შეადგენდა, ამჯერად ევროპის რეკონსტრუქციისა და განვითარების ბანკმა ეს მაჩვენებელი  8%მდე გაზარდა და რეგიონალური ეკონომიკური…

ბარნოვი – უნიკალური ხელნაკეთი აქსესუარები

ბრენდი „ბარნოვი“ ხელნაკეთ აქსესუარებს: ბავშვებისთვის, ქალებისთვის და მამაკაცებისთვის ქმნის. კერძოდ კი „ბარნოვი“ მომხმარებელს  თმის აქსესუარებს, სამკაულებს, ბროშებს, ტანსაცმელს,ტყავის ჩანთებს, ქამრებსა და საფულეებს სთავაზობს.…

მეტის ჩატვირთვა იტვირთება...პოსტები აღარ მოიძებნა
error: Content is protected !!