დღის სიახლეებისაინტერესო სიახლეებისიახლეები

ფრთხილად ფიშინგი! ქვეყანაში კიბერთაღლითობის შემთხვევები მაღალი ტემპით გაიზარდა

0
გაზიარება

“ფიშინგი” არის კიბერდანაშაულის ფორმა, რომლის მიზანია თაღლითური გზით ინტერნეტ მომხმარებლის პერსონალური მონაცემების მოპოვება.

ბოლო პერიოდში ქვეყანაში კიბერთაღლითობის შემთხვევები მაღალი ტემპით გაიზარდა. თაღლითებისგან შეტყობინებებს იღებს ასობით ადამიანი და სთხოვენ თანხის მისაღებად უშუალოდ მათ მიერ გაგზავნილ ლინკზე მონაცემების შეყვანას, ხშირ შემთხვევაში ესაა ინტერნეტ ან მობაილ ბანკის მიმსგავსებული გვერდი, სადაც მომხმარებელმა საკუთარი იუზერი, პაროლი ან ბარათის ნომერი უნდა შეიყვანოს. მონაცემებისა და ერთჯერადი კოდის მიღების შემდეგ თაღლითები ეუფლებიან პირის საბანკო ანგარიშს და ახდენენ ყალბ გადარიცხვას. შესაძლოა მათ ბანკისგან სესხიც მოითხოვონ და დამტკიცების შემთხვევაში კრედიტით მიღებული თანხაც საკუთარ ანგარიშზე ჩარიცხონ.

ხშირია შემთხვევები, როდესაც რეალიზატორებს გადახდებს ფულადი გზავნილით სთავაზობენ და უგზავნიან Western Union-ის გადარიცხვის ყალბ კოდს. ასევე ნამდვილს მიმსგავსებულ ინტერფეისს, სადაც მომხმარებელმა საკუთარი მონაცემები უნდა შეიყვანოს. მიღებული ინფორმაციით თაღლითები მოიპოვებენ წვდომას მომხმარებლის ინტერნეტ ბანკზე, რის შემდეგაც საკუთარ თავს ურიცხავენ იქ არსებულ თანხებს.

ფიშინგის რისკების შესახებ მომხმარებლებს საქართველოს საბანკო ასოციაცია აფრთხილებს. გადაცემა “საქმიანი დილის” ეთერში ასოციაციის პრეზიდენტმა, ალექსანდრე ძნელაძემ გახშირებული შემთხვევების და მომხმარებლების მხრიდან საკუთარი საბანკო საიდუმლოების დაცვის მნიშვნელობის შესახებ ისაუბრა.

“კიბერუსაფრთხოების პრობლემა დგას ყველა ასაკობრივ ჭრილში. ეს არ არის მხოლოდ მაღალი ასაკის ადამიანებისთვის საფრთხე ან მხოლოდ ახალგაზრდებისთვის საფრთხე. ის მოიცავს ყველას. ამას თან ერთვის ის გარემოებაც, რომ დღეს საბანკო სერვისების 98% უკვე სრულდება ონლაინ,”- აცხადებს ძნელაძე.

საბანკო ასოციაციის კიბერუსაფრთხოების მიმართულების ხელმძღვანელის ინგა ქარჩავას განმარტებით, მომხმარებელმა წითელ ნიშნებს ყურადღება უნდა მიაქციონ.

“ხშირ შემთხვევაში გაქირავებისას უკავშირდებიან განცხადების ავტორს, რომ დაინტერესებული არიან უძრავი ქონების ქირაობით და დღესვე შეუძლიათ თანხის ჩარიცხვა, ოღონდ სურთ გადახდა სწრაფი ფულადი გზავნილის მეშვეობით. ამას თანხმდება გამქირავებელი. სწრაფი გზავნილის განაღდებას სჭირდება კოდი. ის ცდილობს თანხის განაღდებას ან ინტერნეტ ბანკში ან მიდის ოპერატორთან. ცხადია ეს გზავნილი არ იძებნება, რადგან ის არ არსებობს. უკავშირდება გამომგზავნს, რომელიც ეუბნება, რომ გზავნილი ნამდვილია და ის სპეციალური ბმულით უნდა გაანაღდოს, სადაც სთხოვენ საბანკო ბარათის სრულ ინფორმაციას ან იმას რომ ინტერნეტ ბანკით უნდა გაანაღდოს. ჩვენ ასეთ სქემებს ვხედავთ ყველგან. როდესაც არ ხდება კოდის განაღდება ტრადიციულ არხზე, ეს უნდა იყოს სიგნალი, რომ საქმე გვაქვს წითელ შუქნიშანთან,”- განაცხადა ქარჩავამ.

მსგავსი სიახლეები

1-ელი ივლისიდან საქართველოში ენერგეტიკული ბირჟა ამოქმედდება

"გალტ&თაგარტის“ მიხედვით, ამ ეტაპზე, კანონქვემდებარე აქტებში ცვლილება არ შესულა, თუმცა აქტიურად განიხილება ბაზრის ეტაპობრივად ამოქმედება და სრულ გახსნას, სავარაუდოდ, რამდენიმე წელი დასჭირდება. პირველ ეტაპზე, ვაჭრობა…

საქართველოში სიღარიბის აბსოლუტურ ზღვარს ქვევით მყოფი მოსახლეობის წილი წინა წელთან შედარებით, 3.8 %-ით შემცირდა 

2023 წელს საქართველოში სიღარიბის აბსოლუტურ ზღვარს ქვევით მყოფი მოსახლეობის წილი (აბსოლუტური სიღარიბის მაჩვენებელი) წინა წელთან შედარებით, 3.8 %-ით შემცირდა და 11.8% შეადგინა - საქსტატი სტატისტიკის მიხედვით, 2023 წელს…

საქართველოში საშუალო თვიური ხარჯები ერთ ოჯახზე , წინა წელთან შედარებით, 16.7%-ით გაიზარდა და 1 649 ლარი შეადგინა

2023 წელს ოჯახებს, შემოსავლებთან ერთად გაეზარდათ ხარჯებიც. საქსტატის მიერ გამოქვეყნებული შინამეურნეობების შემოსავლებისა და ხარჯების გასული წლის მონაცემებით, საქართველოში საშუალო თვიური ხარჯები ერთ ოჯახზე , წინა წელთან…

გერმანიამ მოქალაქეობა ბოლო 20 წლის მანძილზე რეკორდული რაოდენობის – 200100 პირს მიანიჭა

გერმანიის მოქალაქეობამინიჭებულ პირთა საერთო რაოდენობამ, 2000 წელს დაწყებული მონიტორინგის შემდეგ, გასულ წელს უმაღლეს დონეს მიაღწია. ინფორმაციას სააგენტო, DPA ფედერალური სტატისტიკური სამსახურის მინაცემებზე დაყრდნობით ავრცელებს.…

სოფლის ექიმის ყოველთვიური ხელფასი 1 262 ლარია, ხოლო ექთნის/ფერშლის 1 018 ლარი

ჯანდაცვის მინისტრის მიერ წარდგენილი ანგარიშის თანახმად, დღეის მდგომარეობით საქართველოში 1004 სოფლის ამბულატორია ფუნქციონირებს. ანგარიშის მიხედვით, სოფლის ამბულატორიებში დასაქმებულია ჯამში 1283 ექიმი და 1542 ექთანი.…

მეტის ჩატვირთვა იტვირთება...პოსტები აღარ მოიძებნა
error: Content is protected !!