პრემიუმ-კლასის მზის სათვალეების მწარმოებელი კომპანიების ჩამონათვალს ამიერიდან კიდევ ერთი კომპანია შეუერთდა, ეს არის Mercedes-Benz-ის კუთვნილი მდიდრული Maybach. ბრენდმა მოამზადა მზის სათვალეების ხაზი, რომლებსაც უწოდა The Creator.
აღსანიშნავია, რომ სათვალის დიზაინზე იმუშავეს Mercedes-Benz Group-ის შეფ-დიზაინერმა გორდონ ვაგენერმა და მისმა გუნდმა. მათი განცხადებით, სათვალეების მომრგვალებულმა კუთხეებმა ბრენდ Maybach-ის ლოგო უნდა მოგვაგონოს, ლინზებს შორის ხიდმა კი ბრენდის საფირმო რადიატორის ცხაურა.
The Creator მზის სათვალეები წარმოდგენილია ძვლის ჩარჩოს 10 შეფერილობით, აქვს ფერადი მეტალის ან მოოქროვილი ტიტანიუმის დეტალები, რომელსაც ფარავს 22-კარატიანი ოქრო, ვარდისფერი ოქრო ან პლატინა.
ოქროთი დაფარული ვერსიები სამ ვარიანტადაა ხელმისაწვდომი: ქარვისფერი ნატურალური რქისა და ოქროსფერი ლინზებისგან, შავი მქრქალი რქისა და მუქი რუხი ლინზებისგან, ან კრემისფერი/მწვანე რქისა და მწვანე ფერის ლინზებისგან.
ვარდისფერი ოქროს გაფორმებიანი მოდელები კი ხელმისაწვდომია მქრქალი შავი რქისა და რუხი ეფრის ლინზებისგან, ან კრემისფერი რქისა და ვარდისფერი ოქროს შეფერილობის ლინზებისგან.
პლატინის ვერსიებს კი აქვს შავი მქრქალი ჩარჩო რუხი ფერის ლინზებით ან კრემისფერი/ლურჯი ჩარჩო ვერცხლისფერი ლინზებით.
Maybach-ის სურვილია, რომ მყიდველებმა იცოდნენ – სათვალეების რქოვანაში გამოყენებული ძვალი არ არის მოკლული ცხოველების. მასალას ისინი იღებენ კომპანიისგან IVKO, რომელიც მათ აწარმოებს აზიური კამეჩებისგან.
რაც შეეხება ფასს, Maybach-ს ჯერ არ გაუვრცელებია The Creator ხაზის სათვალეების ფასი. მათი გაყიდვა მალე დაიწყება.
